شخابيط 11

معايا معيش
الفلوس متهمنيش
في الجيب مفيش
العيال مبتخليش
والدنيا ماترحمنيش
بس برضه...ميهمنيش
رمضان..مكسرات وياميش
العيد..كحك وسنترافيش
والمـــدارس...مبتخليش
بس برضه ميهمنيش
يمكن انت متفهمنيش
اصل اقولك ومتقطعنيش
ارمي همومك ومتبكيش
ربي وربك ميسبنيش
يارب لغيرك متحوجنيش
وضا عبيدك ميهمنيش
عرفت ليه ميهمنيش؟

شخابيط 10

كل مااتوب .
ارجع اقول بكره قريب
كل ما اتوب ...
ارجع اقول ده فرجه قريب
----.
ارجع تاني لنفس الذنوب
قلبي يطمني...
ربك رب قلوب
انصح غيري ..
.وانا جوايا كلي عيوب
وارجع اتوب ..
.وارجع تاني م المقلوب
بس بتوب..
.امشي واروح واتوه
ووااارجع اتــــوب

اكيد ده المكتوب
بس يخوفي لبات مغلوب
وما اصحي الصبح ولا الحق اتوب
ويوقع الفاس في المعطوب

ويجي اواني وانا كلي ذنوب
يارب اتوب

شخابيط 9

في يوم سمعت انا في الاخبار
علي شئ جديد ولا الا فاتار
بيقولك ارتفاع كتير في الاسعار
سعر الطماطم ولا الكفيار
يعني لا فيها غد ولا حتي فطار


مهو اصل في انتاخــــــا بات
والي يتدخل يبقي خلاص مات
لا للتغير سبــات وثبات
وهو يعني مالها المغات
وايه علاقه الطماطم بالانتخابات
ابقوا اسالو ......طنط فتكات

شخابيط 8

شعــــــور كئيب
ونفس ذات الوقت مخيف
تعيش وسط الشر كفيف
وتحط دمك في تكييف
مهو اصل ده وقت السفيف
وان عملت فيها عفيف
يبقي هتاكل عيش وبلوبيف
لا واللذيذ والالطف والطريف
ان الي صح...هو الي سخيف

----------
واوعاك تعمل فيها عريف
وتفتكر في يوم انك بقيت حريف
هتلاقي نفسك بقيت ع الرصيف
ولا طايل حتي لقمه ولا تمن الرغيف
وترجع تقول ياريتني كنت خفيف
ولا حشرت نفسي بين الاسخف....والسخيف
وتلاقي نفسك في حتي ويشدوا عليك ........

شخابيط 7

ايه يعني لو ليا وشــين
ما غيري بدل الوش ألوف
ايه يعني لو بعيش وبشوف
ده الي يعيش ياماا هيشوف
مهو اصل النفاق بقي مألوف

ايه يعني لو ليا وشين
في زمن الظلم فيه مكشوف
ايه يعني لو بلف واشوف
الغدر اصبح مجرور معطوف


ايه يعني لو ليا وشين
ده الفرح في القلوب مخطوف
وسط الشوك نبت الخوف
صوتك بقي قلم سنه مشطوف

ايه يعني لو ليا وشين
وش يضحك وسط وشوش
ولما يروح يصرخ خوف
وان جه يوم فرح ...الفرح مشفوف

شخابيط 6

هخرج برايا واشوفني
لا هعرفك ولا هعرفني
مهو الدنيا من جوايا
غيرها خالص لما تشوفني
في عنيا انا مافيش مني
برايا ...تقرف مني
او يمكن من بره تمام
ومن جوا مفيش زمام

فكرت في يوم اشوفني
بعنيك وعين الي يعرفني
لاقيت كلام مصدقتوش
حاول افهمه مفهمتوش
ويقولك الي تعرفه احسن
ولا الي ماتعرفوش؟!
طلع والي تعرفه لو حتي عرفته
هيجيلك يوم تقول...مفهمتوش
بعد العشره والعمره ده!!
وترجع تنسي ومتكلموش
بس لو قدرت
لو حد فهم يبقي يفهمني
اصل الي اكتب مقرتوش

سفري بعيد..
ليس لي زاد
المال والولد
كلا بميعاد
طمعا وعناد
بدنيا وعباد
عين لاتبكي
وقلب لا يشكي
كالصخر لا يدمي
والصخر نظلمه
من وصف يألمه
فالصخر يخشع
طموح وجموح
وتعب للروح
فالنفس حيوان شرس
ان لم تروضه هاجمك

شخابيط 4

يقولون لي زجاجتي فارغه...ما الضير!!
اليس في امتلائها ..... الضررُ

يقولون لي ما لك لا تدرك ..وما ادرك؟
غرائب افعلكم اقولكم قلوبكم!! لست بمدرك..

يقولون لي لا تحزن ...لن احزن!
وانتم تتجهمون من صغائرها...فما المحزن؟

يقولون لي وما اكثر قولهم
فقد اعتادوا ان اكون موضوعهم


يتكلمون ويتكلمون ولا اكترث..
وان تبسموا فاابعد...واحترس


لن ابالي ولن اعيرهم اهتمامي...
فالصبر تنال كل المعالي...

طير خارج من بيته
ف يوم حاولت صيده
فكرت انت في كيده
سقط من عناقيده
بكي وبقيت سيده
مكنش بكي حزن
مهو اصل....
فرحك ده يوم عيده

شخابيط 2

البسمه رسمه بنرسمها ...مع قلب ابيض يحليها
القلب الابيض ده نعمه ..والكل يحسدنا عليها
الدنيا بقي فيها وفيها...ليه نغمض عنينا علي مافيها


ده الحزن كلمه بتخنقنا..من غير حتي مانحس بيها
ليه ديما قلب يتقلب فرح حزن...وبذكر الله نسعده بيه
هرفع شعار انا من اليوم...
انا عايز ابقي سعيد وهكون
باذن الله خالق الكون

مولد الشخابيط

مسكت القلم وقلت اشخبط
اقعدت علي المكتب اخبط


اطول ولا اقصر في الدنيا ولا اكسر
زيد وعبيد قال ولا عاد
فار ولا كات

وسطر.........


سَطّر تاني سطر جديد
سطّر سطر بقلب حديد

يمكن تعمل شئ مفيد
يكتبه التاريخ ويزيد ويعيد


وان جه حد حاول يفهم
او حتي من حلمك يرسم


قوله كان غيرك اشطر
نام واحلم انك بتفطر


قوله في الاخر شخابيط
والي يحاول يفهم يتقال عليه

عبيط

شخابيط 12

قالو مصر مش خاينه دي مغصوبه
قالوا مصر متهانه وعنيها معصوبه
قالوا مصر مجبوره وع الظلم مغلوبه
قالوا مصر من النكسه لسه منكوبه
قولنالهم ديمواقرطيه عدل كلمات مشطوبه
والنفس والكلمه حجات محسوبه
النكبه والذل عزمونا ع مخطوبه
تجبها كده تجبها كده كده كده مقلوبه
---
قالوا مصر مش فساد ولا عذاب
مصر مش وطني واحزاب
مصر مش فليم اللص والكلاب
مصر مش سجن واعتقالات
مصر مش نهب وسرقات
قلنا مصر الامل وانتصارات
قلنا مصر الاهل والاحباب
قلنا مصر الرمل والتراب
قلنا مصر سراب في سراب